{"id":112720,"date":"2021-07-14T14:20:28","date_gmt":"2021-07-14T12:20:28","guid":{"rendered":"https:\/\/www.kknk.co.za\/?p=21167"},"modified":"2021-07-14T14:20:28","modified_gmt":"2021-07-14T12:20:28","slug":"stemme-litnet-suidoosterfees-kknk-en-nati-bring-monoloe-deur-topteatermakers","status":"publish","type":"post","link":"https:\/\/www.kknk.co.za\/en\/kknk\/stemme-litnet-suidoosterfees-kknk-en-nati-bring-monoloe-deur-topteatermakers\/","title":{"rendered":"Stemme: LitNet, Suidoosterfees, KKNK en NATi bring monolo\u00eb deur topteatermakers"},"content":{"rendered":"

Van die land se voorste dramaturge, akteurs en regisseurs neem deel aan Stemme<\/em>, \u2019n sinergieprojek tussen LitNet, NATi, Suidoosterfees en KKNK. Stemme<\/em> is \u2019n reeks van 10 kort, kragtige monolo\u00eb waarvan verfilmde weergawes en tekste weekliks vanaf 13 Julie 2021 op LitNet vrygestel sal word.<\/p>\n\n\n\n

LitNet het dramaturge uitgenooi om monolo\u00eb vir die projek te skryf, waarna die Suidoosterfees en KKNK van die talentvolste akteurs en regissseurs aan boord gekry het om die monolo\u00eb op te voer en te verfilm. Die 10 skrywers sluit gevestigde en bekroonde dramaturge in soos Breyten Breytenbach, Ingrid Winterbach, Saartjie Botha, Rafiek Mammon en Nicola Hanekom \u2013 vanjaar se drama-Hertzogpryswenner. Vyf skrywers is produkte van die NATi Jong Sterre-projek: Carlo Daniels, Stephren Saayman, Dianne Albertze, Veronique Jephtas en Andrico Goosen.<\/p>\n\n\n\n

Marthinus Basson, Lee-Ann van Rooi, Andrew Buckland, Fred Abrahamse, Stephren Saayman, Thembela Madliki en Nicole Holm het as regisseurs die leisels geneem. Die volgende akteurs tree in die monolo\u00eb op: Antoinette Kellermann, Albert Pretorius, Khadija Heeger, Tinarie van Wyk Loots, Geon Nel, Eldon van der Merwe, Hein Poole, Carlo Daniels, Ivan Abrahams en Liand\u00e9 Valentyn.<\/p>\n\n\n\n

Antoinette Kellermann en Albert Pretorius speel in onderskeidelik Breyten Breytenbach se Teenstemtweespraak<\/em> en Ingrid Winterbach se \u2019n Seereis<\/em>, waarvan Marthinus Basson die regisseur is. Fred Abrahamse behartig die regie van Rafiek Mammon se Verspring<\/em>, wat handel oor \u2019n middeljarige werklose aktrise, vertolk deur Tinarie Van Wyk Loots. Geon Nel en Eldon van der Merwe vertolk onderskeidelik Saartjie Botha en Nicola Hanekom se monolo\u00eb, Le\u00eb nagte<\/em> en Olke bolke<\/em>, met Nicole Holm en Lee-Ann van Rooi as die regisseurs.<\/p>\n\n\n\n

\u00a0<\/div>\n\n\n\n
\"\"<\/figure>\n\n\n\n
\u00a0<\/div>\n\n\n\n

Holm regisseer ook Andrico Goosen se Kon ek ook maar \u2019n hond gewees het?<\/em> met Ivan Abrahams, terwyl Van Rooi ook in die regisseurstoel is vir Veronique Jephtas se Revelations oppie pot<\/em> met Hein Poole. Andrew Buckland neem as regisseur vir Carlo Daniels onder hande in Daniels se Weg<\/em> waarin hy self optree. Khadija Heeger speel in Soebat<\/em> deur Dianne Albertze, met Thembela Madliki in die regiseurstoel. Stephren Saayman neem die regie-leisels met sy eie stuk, Alles l\u00ea in die lengte van jou hare<\/em> met Liand\u00e9 Valentyn.<\/p>\n\n\n\n

Stemme<\/em> word vervaardig met die ondersteuning van die LW Hiemstra Trust, Stad Kaapstad en die Wes-Kaapse departement van kultuursake en sport. Die oogmerk van die projek is tweeledig. Prof. Brian Figaji, direksievoorsitter van die Suidoosterfees, verduidelik: \u201cHierdie sinergieprojek met LitNet en ons vennote in die teater- en feestebedryf bied kunstenaars die geleentheid om skeppend te werk tydens die COVID-19-pandemie. Terselfdertyd gee dit aan opkomende kunstenaars wat reeds by ons en NATi se Jong Sterre-projek gebaat het, die waardevolle geleentheid om \u2019n verhoog met legendes in die bedryf te deel.\u201d<\/p>\n\n\n\n

\u00a0<\/div>\n\n\n\n
\n