\u201cBr\u00fcmilda van Rensburg, wat die rol van Salom\u00e9 in di\u00e9 produksie teenoor onder andere Dawid Minnaar sou speel, het ongelukkig haar arm gebreek en kan nie meer di\u00e9 rol vertolk nie. Die vertoning gaan voort en ons is besonders bevoorreg om die welbekende en geliefde aktrise en aanbieder, Bettie Kemp, tot die geselskap te verwelkom, wat nou di\u00e9 rol oorneem. Dit is belangrik dat Br\u00fcmilda se arm volkome herstel, maar sy is braaf en dit gaan reeds beter. Ons wens haar alle sterkte in die herstelproses toe.\u201d So s\u00ea Hugo Theart, artistieke direkteur en uitvoerende hoof van die KKNK.<\/p>\n\n\n\n
Kemp is \u2019n bekende en bekroonde aktrise, radio- en TV-aanbieder en regisseur van dramas en dokument\u00eare programme. Sy ontvang onder meer die kykNET Fi\u00ebsta vir beste vroulike byspeler vir haar vertolking in Dood van \u2019n verkoopsman<\/em> in 2011.<\/p>\n\n\n\n Van Rensburg s\u00ea sy het geweldig daarna uitgesien om saam met al die akteurs en Basson aan hierdie produksie te werk. \u201cDit was \u2019n voorreg om saam met almal te werk. Weens die breek in my arm kan ek ongelukkig nie met die produksie voortgaan nie. Dit is vir my baie hartseer, want ek was opgewonde om weer op die verhoog te wees, maar moet nou eers herstel. Ek weet egter dat gehore soveel vreugde uit die produksie sal kry, as wat ek gehad het om daaraan te werk,\u201d s\u00ea sy.<\/p>\n\n\n\n Dawid Minnaar, vanjaar se KKNK-vereerde vir vertolking, Rolanda Marais, Edwin van der Walt, Carla Smith en Eben Genis is saam met Kemp op die verhoog te sien. Mirakel<\/em> is tussen 1 en 8 April in die Johnny Bisschoff-saal op die planke. Kaartjies vir hierdie en ander produksies is aanlyn by Webtickets, of Pick n Pay beskikbaar. Die volledige KKNK-program is beskikbaar by www.kknk.co.za<\/a>.<\/p>\n\n\n\n