{"id":242206,"date":"2024-04-12T14:47:26","date_gmt":"2024-04-12T12:47:26","guid":{"rendered":"https:\/\/www.kknk.co.za\/?p=242206"},"modified":"2025-04-24T11:32:17","modified_gmt":"2025-04-24T09:32:17","slug":"drie-debuutwerke-ryg-elk-ses-kknk-kanna-benoemings-in","status":"publish","type":"post","link":"https:\/\/www.kknk.co.za\/en\/kknk-nuus\/drie-debuutwerke-ryg-elk-ses-kknk-kanna-benoemings-in\/","title":{"rendered":"Drie debuutwerke ryg elk ses KKNK kanna-benoemings in\u00a0"},"content":{"rendered":"

Die stoele<\/em>, \u2019n tragi-klug deur Eug\u00e8ne Ionesco, is benoem vir beste tegniese bydrae (Marthinus Basson se stel en kostuums), beste toneelaanbieding, beste debuutwerk, beste manlike speler in \u2019n hoofrol (Chris van Niekerk), beste vroulike speler in \u2019n hoofrol (Antoinette Kellermann) en beste regie (Marthinus Basson). <\/p>\n\n\n\n

Die Swartmerrie<\/em>, \u2019n plekspesifieke drama van die KKNK se bekroonde Karoo Kaarte.<\/em>-projek, is benoem vir uitnemende liter\u00eare bydrae, beste toneelaanbieding, beste debuutwerk, beste manlike speler in \u2019n hoofrol (Theo Witbooi), beste vroulike speler in \u2019n hoofrol (Chantell Phillipus) en beste regie (Neil Coppen). <\/p>\n\n\n\n

Willem Anker se Patmos<\/em> is benoem vir beste ensemble, twee benoemings vir beste tegniese bydrae (Pierre-Henri Wicomb vir musiek en Jaco Bouwer vir ontwerp), beste debuutwerk, beste vroulike speler in \u2019n hoofrol (Tinarie van Wyk Loots) en beste regie (Jaco Bouwer). <\/p>\n\n\n\n

\n
\"\"
\u00a9 Hans van der Veen<\/figcaption><\/figure>\n\n\n\n
\"\"
\u00a9 Ryan Dammert<\/figcaption><\/figure>\n\n\n\n
\"\"
\u00a9 Hans van der Veen<\/figcaption><\/figure>\n<\/figure>\n\n\n\n

Twee dramas is elk vir vyf Kannas benoem. Philip Rademeyer se Goed wat wag om te gebeur<\/em> is benoem vir beste ensemble, uitnemende liter\u00eare bydrae, beste toneelaanbieding, beste manlike speler in \u2019n hoofrol (Gideon Lombard) en beste vroulike speler in \u2019n ondersteunende rol (Antoinette Kellermann). <\/p>\n\n\n\n

Monsters<\/em>, \u2019n eksperimentele drama deur Niklas R\u00e5dstr\u00f6m, is benoem vir beste ensemble, beste manlike speler in \u2019n ondersteunende rol (Ntlanhla Kutu), twee benoemings vir beste vroulike speler in \u2019n ondersteunende rol (Ren\u00e9 Cloete en Michele Burgers) en beste regie (Tinarie van Wyk Loots). <\/p>\n\n\n\n

Drie produksies is elke vir vier Kannas benoem. Braam en die engel<\/em>, \u2019n teksverwerking van Marietjie de Jongh se gelyknamige roman, is benoem vir beste ensemble, beste tegniese bydrae (Nico Scheepers & Nell van der Merwe vir stel en kostuums), beste kinderteateraanbieding en beste vroulike speler in \u2019n ondersteunende rol (Daneel van der Walt).  <\/p>\n\n\n\n

Ilne Fourie se debuutdrama Ken jy vir Dewie?<\/em> is benoem as beste ensemble, uitnemende liter\u00eare bydrae (Ilne Fourie), beste debuutwerk en beste manlike byspeler in \u2019n ondersteunende rol (Joshwin Dyson). <\/p>\n\n\n\n

Die klug Su\u2019walla Kassam<\/em>, een van die US Premi\u00e8re Teaterfees-wenproduksies van 2023, is twee keer benoem vir beste opkomende kunstenaar of nuweling (Angelo Bergh vir sy spel en Mikyall Harris vir sy teks), beste komedie-aanbieding en beste manlike byspeler in \u2019n ondersteunende rol (Angelo Bergh).  <\/p>\n\n\n\n

Fietsry vir dommies<\/em> en Roem: \u2019n Musiekverhaal<\/em> is albei vir drie Kannas benoem. Fietsry vir dommies<\/em>, uit die pen van Oudtshoorniet Tiffany Saterdaght, is benoem vir beste toneelaanbieding, beste manlike speler in \u2019n hoofrol (Eldon van der Merwe) en beste regie (Dean Balie). <\/p>\n\n\n\n

Roem: \u2019n Musiekverhaal<\/em> deur Deon Meyer en Coenie de Villiers, is benoem vir beste opkomende kunstenaar of nuweling (Nelandi Boshoff), beste tegniese bydrae (Stefan Benad\u00e9 & Nicole Holm vir stelontwerp) en beste manlike speler in \u2019n ondersteunende rol (Eldon van der Merwe). <\/p>\n\n\n\n

Twee nuwe kategorie\u00eb vir Kannas is vanjaar bygevoeg, om erkenning te gee aan die beste komedie-aanbieding en beste Lucky Pakkie-aanbieding. Stand-up het \u2019n tuiste by die fees gekry, met \u2019n groter aanbod wat 11 optredes deur van die land se voorste komediante ingesluit het. Lucky Pakkie-teater het ook teruggekeer na die KKNK en aan feesgangers die geleentheid gebied om alternatiewe teater in kort optredes te ervaar. <\/p>\n\n\n\n

\u201cDie Kannapaneel het oor nege dae by die KKNK meer as 100 produksies gesien. Dit was meet en pas om die skedule te laat werk, maar ook opwindend. Ons sou die nie anders wou h\u00ea nie\u201d, s\u00ea sameroeper Felicia Lesch. <\/p>\n\n\n\n

Volgens Lesch was die verskeidenheid van die program inspirerend. \u201cDie terugkeer van dansteater met onder andere ikoniese Suid-Afrikaanse choreograaf en danser, Dada Masilo, asook Figure of 8 Dance Collective, het inhoud vir jonger gehore bevorder. Dit was ook hierdie jaar opvallend dat daar soveel meer kinderteaterproduksies op die feesprogram was, asook die ho\u00eb gehalte daarvan. Die uitgebreide program van stand-up-komedie was \u2019n welkome toevoeging en ons hoop dat daar volgende jaar hierop voortgebou word.\u201d<\/p>\n\n\n\n

Lesch s\u00ea verder dat die energie wat die KKNK se tweede Jeugkunstefees, aangebied in samewerking met die Wes-Kaapse Onderwysdepartement, gebring het, gevoel kon word. \u201cOm produksies saam met die leerders te ervaar en hul genot in die produksies te beleef, was opsigself \u2019n hoogtepunt en gee nuwe moed vir die toekoms, terwyl dit ook die belangrikheid van die kunste onderstreep. Verder meer het Lucky Pakkie se 12 produksies met \u2019n verskeidenheid van humor, satire, rymklets, rieldans, musiek-met-stories, klankbane en animasie gedemonstreer hoe baie kunstenaars in 15 minute op hoogskreatiewe maniere kan oordra.\u201d<\/p>\n\n\n\n

Vir Lesch het die KKNK se bekroonde multidissiplin\u00eare kunsteprogram, Karoo Kaarte, ook die afgelope drie jaar gegroei en regmatig deel van die KKNK geword. \u201cOns as paneel wil hierdie projek wat soggens vroeg reeds met begeleide staptoere begin het, maar ook visuele kunsuitstallings, \u2019n app, \u2019n grafiese roman \u00e9n \u2019n uitmuntende plekspesifieke teaterproduksie ingesluit het, uitsonder. Dit is voorwaar \u2019n voorbeeld van hoe egte gemeenskapsbetrokkenheid in die kunste en by kunstefeeste m\u00f3\u00e9t gebeur\u201d, sluit sy af.<\/p>\n\n\n\n

Vanjaar se onafhanklike Kannapaneel was Lesch (sameroeper), Frazer Barry, Amelda Brand, Diane de Beer, Ilza Roggeband, Marianne Thamm en Haddad Viljoen. Die wenners word op Donderdag 9 Mei tydens \u2019n glansgeleentheid by Leopard\u2019s Leap in Franschhoek aangekondig. <\/p>\n\n\n\n

Die Herrie-prys, \u2019n spesiale NATi-prys, spesiale Kanna vir diens aan die KKNK en \u2019n Kanna vir uitsonderlike tegniese diens aan die KKNK word ook tydens die geleentheid oorhandig. <\/p>\n\n\n\n

Vanjaar se Kannas word geborg deur onder andere Absa, ATKV, Castle Lager, Checkers, Crispin & Lisa Sonn, Franklin & Joan Sonn, Glenwood Travel, Herotel, Het Jan Marais Nationale Fonds, NATi, Ton & Anet Vosloo en Wicus Pretorius. <\/p>\n\n\n\n

The 29th KKNK, sponsored by Absa, is presented in Oudtshoorn from Tuesday 1 to Sunday 6 April 2025. For more information, visit kknk.co.za or contact 044 203 8600, info@kknk.co.za<\/a> or send a WhatsApp to 065 285 2337.<\/p>\n\n\n\n

Die volledige lys van Kanna-nominasies is: <\/p>\n\n\n\n

Kanna for Best Emerging Artist or Newcomer, sponsored by Ton and Anet Vosloo<\/strong><\/p>\n\n\n\n