fbpx

Oudtshoorn groet geliefde Dr. David Piedt

Ons maak met leedwese amptelik bekend dat die geliefde en geëerde dr. David Arthur Piedt (gebore 21 Maart 1940) ons op 27 Julie 2020 ontval het.

Dr. Piedt kon ondanks sy ingesteldheid op gesondheid, nie die aggressiewe aanval van die Covid-19-virus vryspring nie.

Hy het twee weke gelede skielik siek begin voel waarna hy in die Mediclinic Klein Karoo op Oudtshoorn opgeneem is. Van daar is hy na die Mediclinic George se intensiewe sorgeenheid oorgeplaas, waar hy weens verdere mediese komplikasies oorlede is.

Dr. Piedt word onthou as gerespekteerde vegter teen onreg en liefdeloosheid. Hy is bekend as toegewyde Christen, asook vir sy morele onkreukbaarheid.

Dit is moeilik om aan ’n Klein Karoo en Suid-Kaap sonder David Piedt te dink.

Hy word oorleef deur sy vrou, Marjorie, sy seun Deon, twee dogters Che en Tracey wat albei in die buiteland woon, asook vier kleinkinders.

Die begrafnis vind plaas in die Volkskerk Oudtshoorn op Dinsdag 4 Augustus om 11:00. Verrigtinge sal volgens streng Covid-19-maatreëls geskied. Bywoning word beperk tot familie en nabye vriende wat binnekort deur die familie in kennis gestel sal word. 

Om te verseker dat elkeen wat dr. Piedt geken het aan hom eer kan betoon, word die begrafnis digitaal uitgesaai vanaf die KKNK se Facebook-blad by https://www.facebook.com/KKNKfees/


Oudtshoorn bids beloved Dr. Piedt farewell

It is with deep sadness that we announce the passing of beloved and honoured Dr David Arthur Piedt (born 21 March 1940) on 27 July 2020.

Despite being very health conscious, Dr Piedt could not evade the aggressive attack of the Covid-19 virus.

He suddenly fell ill two weeks ago, after which he was admitted to the Mediclinic Klein Karoo in Oudtshoorn. From here, he was transferred to the Mediclinic George’s intensive care unit, where he passed away as a result of further medical complications.

Dr Piedt is respected and remembered for his fight against injustice and inhumanity. He was known for his devout Christian beliefs and high moral values.

It is difficult to imagine a Klein Karoo and Southern Cape without David Piedt.

He is survived by his wife, Marjorie, son Deon and two daughters Che and Tracey who both live abroad, as well as four grandchildren.

The funeral will be held in the Volkskerk in Oudtshoorn on Tuesday, 4 August at 11:00. Proceedings will take place according to strict Covid-19 measures and attendance is limited to family and close friends, who will be notified by the family soon.

To ensure that everyone who knew Dr Piedt can pay homage to him, the funeral will be broadcasted digitally on the KKNK’s Facebook page at https://www.facebook.com/KKNKfees/.  

Kortom se eerste kortfilms binnekort op Netwerk24 te sien

Netwerk24 en die KKNK se eerste kortfilm-projek, Kortom, sien op Dinsdag 4 Augustus die lig.

Kortom deel die top nege kortfilms, gekies uit 81 inskrywings, met Netwerk24-intekenare. Alle inskrywings is deur ’n paneel gelees, sonder inligting oor betrokkenes, waarna ’n kortlys opgestel en finaliste gekies is. Kykers kan uitsien na vier komedies, drie dramas, ’n riller en ’n nie-verbale dansfilm.  

Die paneellede was Laetitia Pople, Wayne Muller, Ilse Klink, Jody Abrahams, Nini Conradie en Anika Pieterse.

Die vervaardiging van die films is ook onderhewig aan spesifieke maatreëls, wat die betrokkenes se kreatiwiteit verder uitdaag. Kortom is gekonsepsualiseer om binne die beperkings van die grendelstaat se maatreëls te geskied. Die films mag geen profesionele toerusting gebruik nie en mag alleenlik van natuurlik klank en beligting gebruik maak. Die films mag net op ‘n slimfoon en/of webkamera geskiet word en die films moet binne twee dae geskiet word. 

Volgens Pople het die inskrywings haar verras. “Die inskrywings het my weereens laat dink oor die rol van die kunste in ons wêreld. Ons kunstenaars is soos gebruiklik diep betrokke by die lewe en die samelewing. Hulle laat ons lag en huil in ewe maat. Tog skroom hulle nie om ons te help om anders oor moeilike sake te dink nie”, sê sy. Pople meen verder dat kunstenaars – in dié geval rolprentmakers – ’n belangrike rol in ons nuwe werklikheid vervul. “Hulle wys ons hoe om met die hart en die siel te leef en te oorleef.”

Klink sê die standaard van die inskrywings was van ’n baie hoë gehalte. “Die skrywers was baie kreatief en het uit die boks gedink, wat die stories baie opwindend en insiggewend gemaak het. Regisseurs en skrywers gaan nou verder kreatief moet wees, om met die maatreëls en beperkings wat tans in plek is, produksies van uitstaande gehalte te vervaardig. Daar is voorwaar iets vir elke smaak in die nege stukke wat gekies is”, sê sy.

Muller sê daar was heelwat goeie draaiboeke met boeiende stories wat in lewendige Afrikaans geskryf is. “Om ’n draaiboek te lees is een ding, maar ek sien veral uit om te sien hoe die kunstenaars dit kreatief laat lewe”, vertel hy.

Vir Pieterse was die gehalte en kreatiwiteit van die inskrywings net wéér bewys dat Suid-Afrikaanse filmmakers vir niemand in die wêreld hoef terug te staan nie. “Netwerk24 skep verder deur hierdie projek vir rolspelers in die kunste werk – ’n bedryf wat swaar deur die Covid-19-pandemie geraak is.”

Vier komedies is as finaliste gekies, waaronder Voetjie Voetjie geskryf deur Nico Scheepers; Kortpad geskryf deur Gaerin Hauptfleisch; Nappy Blues geskryf deur Carla Smith en Stuur groete vir Fanie geskryf deur Marelize Viljoen. Drie dramas is ingesluit: Markus en die son uit die pen van Philip Rademeyer; ’n Dag vir ’n oomblik uit die pen van Hilléthe Möller en Die Dans Engel uit die pen van Vinette Ebrahim. Die laaste twee kortfilms is ’n riller, Ter nagedagtenis, deur Soné Rossouw en Vasgevang, ’n dansproduksie gekonseptualiseer deur Figure of 8 Dance Collective. 

Kykers kan uitsien na verskynings deur onder andere Cintaine Schutte, Waldemar Schultz, Roeline Daneel, Theo Jantjies, Albert Pretorius, Richard September, Brendon Daniels, Wilhelm van der Walt, Gerben Kamper, Kevin Narain, Fiaz Dalman en vele ander.

Daar word vanaf 4 Augustus elke Dinsdag een kortfilm op Netwerk24 beskikbaar gestel.

KKNK en Mothership Studios bied unieke aanlyn musiekreeks aan

Die Klein Karoo Nasionale Kunstefees (KKNK) en Mothership Studios bied vanaf Donderdag 30 Julie tot Donderdag 24 September ’n eksklusiewe musiekreeks aan wat musiekliefhebbers in die gemak en veiligheid van hulle huise kan geniet. Hierdie aanlyn reeks bevat optredes deur van ons land se voorste musikante en vermaaksterre, soos hulle nog nie sedert die nasionale inperking gesien is nie.

“Die KKNK is trots om die Mothership Sessions, ondersteun deur Netwerk24, aan te bied. Dit is vir ons belangrik om steeds in hierdie tyd produksies van hoogstaande gehalte na ons gehore te bring. Elke konsert is ’n besonderse en unieke ervaring, wat deur die vervaardigers van onder meer die Republiek van Zoid Afrika opgeneem is.” So sê Hugo Theart, artistieke direkteur van die KKNK.

Theart sê verder dat alhoewel die KKNK nie vanjaar feesgangers op Oudtshoorn kon verwelkom nie, hulle steeds die gees van die fees na gehore se huise kan bring. “Musiekliefhebbers, oud en jonk, gaan beslis hierdie reeks van eksklusiewe optredes geniet. Verskeie musiekgenres – van rock tot country, is ingesluit, gehalte-vermaak vir die hele gesin”, brei hy uit. 

Die Mothership Sessions-optredes is in Karen Zoid se studio opgeneem. “Niks sal ’n lewendige konsert in ’n stadion, ’n arena, of in ’n teater kan vervang nie, maar inperking het ons almal forseer om anders na dinge te kyk. Dis nie noodwendig ’n slegte ding nie, dis net anders. Daar sal heel waarskynlik nie weer in die nabye toekoms enige live shows aangebied kan word nie, maar dit verhoed ons nie om steeds musiek vir ons mense te maak nie. Ontvlugting is noodsaaklik vir oorlewing en ek en my musiek-kollegas wil hê mense moet hulle skoene uitskop en vergeet van die pandemie wat ons gedagtes oorheers”, verduidelik Zoid.

Elandré skop die eerste Mothership Sessions-musiekreeks op Donderdag 30 Julie af. Dié boorling van Despatch in die Oos-Kaap het Suid Afrika se harte gesteel met sy debuutalbumKleindorp-Dromer en sy kenmerkende diep stem. Met ’n vyfstuk-orkes gaan hy skerms aan die brand sing.

“Al kan ons nie tans in ’n teater saamkom nie, sal goeie musiekkonserte altyd sorg vir hoendervleis-oomblikke. Dink maar aan die legendariese musiekopnames van Kurt Cobain, Paul McCartney en Elton John, om ‘n paar te noem, wat dekades later steeds geniet en onthou word. Dit is wat ons met die KKNK Mothership Sessions wil vermag”, sê Carien Loubser, vervaardiger van hierdie musiekreeks. “Ek stel goeie kwaliteitprogramme met top-gehalte tegniese versorging en hoë produksiewaarde hoog op die spel, en ons musiekreeks sal daarom tuis wees tussen enige top-televisiemusiekprogramme. Ons hoop om met tyd al die kunstenaars wat ons Suid-Afrikaanse musieklandskap opmaak, as deel van dieMothership Sessions-reeks op te neem”, sluit Loubser af.

Ander musiekkonserte in hierdie reeks sluit in Emo Adams Unplugged op Donderdag 6 Augustus. Dit is ’n uitsonderlike ervaring met Adams en ’n vierstuk-orkes, waaronder klavier, saksofoon en kitaar. Sy pa, Omar, sluit ook by hom aan vir ‘n liedjie of twee.

’n Besonderse optrede deur Karen Zoid word op Maandag 10 Augustus aangebied. Zoid word vir hierdie optrede – op haar verjaarsdag – begelei deur haar band, asook Theo Crous, hoofkitaarspeler van die legendariese Springbok Nude Girls.

Suid-Afrika se top indie-rockgroep, Watershed (Donderdag 20 Augustus) is een van die land se gewildste uitvoerprodukte. Hulle optrede beloof fantastiese musiek, waaronder ’n hele paar van hulle ikoniese treffers.

Die Afrikaanse liedjieskrywer Jan Blohm (Donderdag 27 Augustus) is te sien in die show van ’n leeftyd: meesleurend, rou en eerlik, net soos sy musiek.

Elvis Blue (Donderdag 3 September) bied ’n sielvolle vertoning aan met van sy gewildste liedjies waaronder Die Hemel, Jou HuisToe ons Jonk Was en Lighthouse

Op Donderdag 10 September betower Anna Davel kykers met ’n musikale reis van akoestiese klavier, saksofoon en melodieë. Sy sing van haar eie liedjies, sowel as musiek deur van die grootste legendes van ons tyd.

Die opkomende ster Roan Ash (Donderdag 17 September) kombineer folk-musiek, blues, country en rock met sy strelende melodieë en lirieke. Sy platinum-album, Whisky to My Soul, is genomineer vir ’n SAMA in die kategorie Beste Kontemporêre Album.

Op Donderdag 24 September sluit Eet Kreef! die eerste Mothership Sessions op ’n hoë noot af. Johannes Kerkorrel en die Gereformeerde Blues Band se ikoniese album word 30 jaar nadat dit oorspronklik uitgereik is gevier. Met aKING se hoofsanger Laudo Liebenberg, ’n vuurwarm band en nuwe verwerkings van ikoniese songs soos Energie, Hillbrow, Hoe ek voelen al die treffers wat van dié plaat ’n kultustreffer gemaak het, sorg hierdie show vir meer as een hoendervleis-oomblik. 

Optredes sal elke Donderdagaand aanlyn uitgesaai word en tot daardie Sondag beskikbaar wees om te kyk, met Karen Zoid se konsert op Maandag 10 Augustus. Musiekliefhebbers van regoor die wêreld kan inskakel vir die Mothership Sessions-reeks en elke konsert in hoë-definisie geniet. Kaartjies kos slegs R150 per konsert – vir die hele gesin om saam te geniet – en is beskikbaar op www.webtickets.co.za, vanwaar die optredes ook gekyk kan word op ’n baie gebruikersvriendelike platform.

Musiekliefhebbers kan ook met die aankoop van kaartjies ’n donasie aan die Tribuo-fonds maak. Dié hulpfonds is gestig om betrokkenes in die uitvoerende kunste tydens die Covid-19-pandemie te ondersteun. Meer inligting is beskikbaar op www.kknk.co.za.

Teksmark beloof weer ‘n smeltkroes van teater

 “Teksmark word vanjaar vir die vyfde keer aangebied en dit is ’n wonderlike vooruitsig in ’n uitdagende jaar vir die uitvoerende kunste. Hierdie projek het die afgelope halwe dekade ontwikkel van ’n geleentheid vir opwindende nuwe teksidees, tot ’n smeltkroes van teater-gesprekke.”

Read More

First KKNK Virtual Art Gallery opening soon

We are extremely excited to launch the first Klein Karoo National Arts Festival (KKNK) Virtual Gallery, where art enthusiasts from all over the world will now have the opportunity to engage with the festival’s visual arts exhibitions.”

Read More
Privacy Settings
We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
Youtube
Consent to display content from Youtube
Vimeo
Consent to display content from Vimeo
Google Maps
Consent to display content from Google